聞斯行諸

想請教心ｕｐ／發ｕｐ風／ｕｐ味，三ｕｐ點寫？

一般人都慣寫「o翕」，但似乎冇呢個字

如果從聲去睇，up既拼音大概係「ngap」，陽平聲。咁符合呢個音同聲既，我查到兩隻字：罨，嗑

罨：係一種用黎捉雀或魚既網，引申覆蓋既意思。但宋朝陳敷既《農書．卷下．收蠶種之法》有「人多收蠶種於篋中，經天時雨溼、蒸熱、寒燠不時，即罨損，浙人謂之蒸布。」呢到個罨，就係解發霉變壞。所以我估ｕｐ味個ｕｐ，有可能係呢個字。

嗑：《說文解字》話「嗑，多言也。」意思就同發ｕｐ風個ｕｐ十分接近，所以我估發ｕｐ風個正字係呢個。

至於心ｕｐ，上面兩隻字似乎解釋唔到。我思疑係「翳」既音變，因廣東話有「心翳」呢個詞（國語好似冇），意思同心ｕｐ近似，故我懷疑係翳既音變（廣府話常有音變？）

可否從音韻學既角度著手，考證出呢三隻字點寫？